2009. 12. 18 – tarixində Heydər Əliyev adına İdman – konsert kompleksində Sərbəst və Yunan-Roma güləşi üzrə böyüklər arasında “Azərbaycan Kuboku” yarışları keçirildi.

Heydər Əliyev adına İdman – konsert kompleksində Sərbəst və Yunan-Roma güləşi üzrə böyüklər arasında “Azərbaycan Kuboku” yarışları keçirildi.Bu yarışlarda Azərbaycan güləşçilərinin nəyə qadir olduqlarını , onların hər birinin əzmkarlıqlarının nəyə qadir olduqlarını sübut etməyə çalışdılar.Onların aralarında qalib gələndə oldu, məğlub olanda.Amma əsas iştirak etmək, dostluq, qardaşlıqdır.Mən çəkilişdə olarkən bir yazı mənim fikrimi cəlb etdi.” Hər Ailədə Bir Güləşçi”.Bu söz mənə çox təsir etdi.Onda mən anladım ki, Ümummilli Liderimiz Heydər Əliyevin davamçısı olan İlham Əliyevin idmanı bu qədər dəstəkləməsi boşa getməyib.

18-20 dekabr 2009-cu il tarixdə Heydər Əliyev adına İdman-Konsert Kompleksində Sərbəst və Yunan-Roma güləşi üzrə böyüklər arasında “Azərbaycan Kuboku” yarışları keçiriləcək. Azərbaycan Güləş Federasiyası və Gənclər və İdman Nazirliyinin birgə təşkilatçılığı ilə keçirilən yarışda məqsəd sərbəst və yunan-Roma güləşi idman növlərinin təbliği və inkişafı, güləşçilərin idman ustalıqlarının artırılması və təkmilləşməsinə nail olmaq, həmçinin ölkə yığma komandasının heyətini müəyyənləşdirməkdir. Qeyd edək ki, yarışların nəticələrinə əsasən ilk üç yeri tutmuş pəhləvanlar milli yığma komandaların heyətinə cəlb ediləcəklər. Şəxsi və komanda hesabında keçiriləcək yarışda Azərbaycan Güləş Federasiyasının Nümayəndəliklərinin idmançıları öz qüvvələrini sınayacaqlar. Şəxsi yarışda çəki dərəcələri üzrə I, II, III yerləri tutmuş idmançılar Azərbaycan Güləş Federasiyası tərəfindən müvafiq diplom, medal və mükafatlarla təltif olunacaqlar. Komanda hesabında I, II, III yerləri qazanmış komandalara diplom və kuboklar təqdim olunacaq.
Yarışların açılış mərasimi 18 dekabr 2009-cu il saat 17.00-da Heydər Əliyev adına İdman-Konsert Kompleksində baş tutacaq. İlkin və təsəlliverici görüşlər hər gün saat 10.00-da, final görüşləri isə 17.00-da başlayacaq.
Üç gün davam edəcək yarışın proqramı belədir.
18 dekabr 2009-cu il
55, 66, 84 və 120 kq çəki dərəcəsində sərbəst güləş yarışları
19 dekabr 2009-cu il
60, 74 və 96 kq çəki dərəcəsində sərbəst güləş yarışları
55 və 60 kq çəki dərəcəsində yunan-Roma güləşi yarışları
20 dekabr 2009-cu il
60, 74, 84, 96 və 120 kq çəki dərəcəsində yunan-Roma güləşi yarışları

Foto-müxbir : Balakişiyev Tamerlan