Sevgisiz  yaşamaqdansa , sevgi ilə ölmək yaxşıdır!

  

              Ömür !Bizə verilən ömür ! Belə möcüzəli bəxşişi necə tərənnüm edə bilərəm ? !   Sevgisiz yaşamaq mümkün olmaz ! İnanmıram  bu duyğusuz həyatda yaşayıram deyənlər olsun ! Təkcə insanlar deyil , tanrının yaratmış olduğu bütün canlı aləm sevgidən yarandığı kimi bu amil üstündə də öz həyatına davam edir !

     Yarpaq budağa , budaq ağaca möhtacdır , onsuz yaşaya bilməz ! Ağac torpaqdan bütün həyatda qalması üçün vacib olanı özünə çəkərək öncə özünü  sonra budaqlarını , yarpaqlarını sonra da meyvələrini  canlandırır . Bir ağacın varlığı milyon canlı aləmin həyatda qalması deməkdir . Yaratdığı sərinlik , tənzimlədiyi oksigen , ona arxalanıb öz həyatını ağaca əmanət edən heyvanlar , kölgəsində dincələn insanlar , bir çox təbiət hadisələrinin qarşını ala bilən  bir ağac və çoxluq şəklində sevgi ilə bir – birinə bağlanmış , ayrılmayan cəngəlliklər , meşələr , düzənliklər ! Bir balaca düşünəndə bu prosesin təkcə sevgi ilə əmələ gəldiyini görərrik !

                Necə ola bilərki , sevgi sözü yarandı ? Necə oldu ki , biz bu prosesin adını məhz sevgi adlandırdıq ? Bəs necə oldu ki , verilən bu ad “ sevgi “ hamını qani etdi , bu qədər yaraşdı  idarə olunmayan hadisələrə ?! 

       Məcbur etmək olmaz kimsəni  ki , hadisələri dəyişsin . Bəlkə də tabe olar , amma bu onun tam istəyi olmadığına görə daim  öz arzuları və istəkləri uğrunda mübarizə aparacaqdır . Öz məqsədlərinə çatmaq üçün daim yorulmadan çalışacaqdır . Hakimiyyət əslində müəyyən bir topluluğu birləşdirən amil sayılsa da onun başqa adı insanların sevgi ilə birləşməsidir . Ona görə də insanlar bəzən öz ucbatlarından zərər çəksələr də tez bir zamanda kimsəyə ehtiyac duymadan çıxış yolunu tapmağa can atırlar. İnsan şüurludur deyirik ki , məcbur edə bilmərik.Bəs təbiəti onu özümüzə tabe edə bilirikmi ?

İstədiyimiz  istiqamətdə onu idarə edə bilərikmi ?

            Xeyir ! Çünki hətta biz bəzən bunu bacardığımızı düşünürük , lakin yenə də bizə o işləri görməyimizdə icazə verilmişdirki , biz bacarmışıq !

         Görünür, böyük qorxu kiçik qorxuları əhəmiyyətsiz etdiyi kimi , bəzən başımızın üstünü alan ciddi təhlükənin sovuşması da təbiətimizdəki daha gözəl duyğuların meydana çıxmasına səbəb olur .

     Həyatda elə böyük hisslər vardır ki , onların qarşısında hər şey kiçik və mənasız görünür ! Dünyada ədalət , insaf vardır və bu bizim iradəmizdən asılı deyil !

              İndi isə sevginin başqa ən uca , toxunulmaz , müqəddəs pilləsinə yaxınlaşdıq ! Bu sevgi yalnız iki şəxs arasında ola bilər ! Bu növ sevgini hər birimiz müxtəlif cür qarşılaya bilərik ! Nəinki insanlar hətta digər canlılar da bu həyat hadisəsi qarşısında acizdir . Əslində anlatmağa ehtiyac yoxdur! Sevgisiz yaşamaq mümkün olmaz !

       Lakin elə sevgilər də olur ki  , can da qurban vermək adi qalır möcüzənin qarşısında . Sevgi ilə ölmək ! Bu məqsəddə ömrünü qurban verməksə yalnız ideal olan şəxslərə məxsusdur . Bunu  hamı bacara bilməz ! Ona iradənin ən tükənməz  dərəcəsi lazımdır ki , bu müqəddəs töhvənin öhdəsindən gəlsin .

      Məhz elə bu amillər sevginin həyatda dəyərini artırmış onu lazımı zirvələrə qaldıraraq ən yüksək pilləni bəxş etmişdir ! Lakin sevgidən istifadə etmək də olmaz  ! Ona yalan sözcükləri , gerçək olmayan istəkləri alışdıraraq gözdən salmaq həyatın ən mükəmməl möcüzəsinə zərər vurmaqdır. Bunu anlayan şəxslər sevgidən danışanda ehtiyatla hərəkət etməli ona toxunmağa tələddütlə yanaşmalıdırlar ! Sevgi adından istifadə edənlər isə , özlərini aldadaraq gələcək həyatlarını da məhv eləmiş olurlar .Buna görə də həyatda düşünülməmiş addım atmaqdan çəkinin . Çünki nə bu zaman sevgisiz həyat , nə də gerçək sevgi sizə kömək edə biləcək !

                                       ZÜLEYXA .